دوانية مدرسة وحش7 2008 / 2009

يماااااااااااااااااااااااه شنو هذا يخرررررررررررررررررررررع

هلا عيوني لك انا بخير الحمدلله بس ترى دقيت مليون مره ايدي تحكني اذا مادقيت
حياج الله
عاد اليوم ماراح ايي بيتكم
بقعد اضبط غرفتي حق استقبالج بس لاتصدقين نفسج وايد

دانتي افااااااااااا عليك لا توصي
هههههههههههههههههههههههههههههههههههه
لالا والله اتغشمر
حياها الله فبيتنا وان ماشالتها غرفتي تشيلها عيوني
عاد عيوني كبار خخخخخخخخخخخخخخخخخخخخخخخخخخ
المهم ...
وقبل جم يوم قلت حق امي انه نبي انام بالغرفه اللي تحت عشان الفراش كبار ولازم نريح بنت الخال مايصير تقول ما استضفناها عدل

السلاااااااااااااااااااااااام على الجميييييييييييييييييييييييييييييييييع


شلوووووووونكم شخبااااااااااااااااااااركم

والله انكم وحشتوووووني حيييييييييييييييييييل


هالله هالله هالله يا حلات ايام المنتدى ^^

سوالف ومسابقات وضحك وغشمره

ها شلووون الدراسه معاكم شلون الامتحانات..؟

منو نجح منو سقط..بعيد السقوط عنكم انشالله..؟


والله انكم وحشتووووووني

فقدتكم وفقدت المنتدى واللي بالمنتدى اللي اهمه انتوا ^_^.


يه يه يه يا حلات المنتدى والله

صار لونه اخضر ومادري شنو ^^

حركاااااااااات الربع
........................................

بس جنه اربع ناقصين بالمنتدى..؟

ولا يتراوالي..؟
.......................

خل اقولكم عن الشهرين اللي غبت فيهم شنو سويت ووين رحت فيهم.

طبعا تدرون اني انا دشيت العسكريه وصرت الحين عسكري مو مدني وحياتي انقلبت 180 درجه

لانه عيشه الحياه العسكريه غييييييييييييير عن الحياه المدنيه اللي انتوا عايشينها
والله لو تعيشون يوم واحد بالحياه العسكريه تكرهون نفسكم
لانه اهيه مسأله تحمل وصبر
كل يوم داقينا دق بالميدان

ضغط وقفز وسوالف ماتعروفنها الا لمن اسويها جدامكم

المهمممم

خل اقولكم شصار معاي بأول يووم دشيت فيه العسكريه..

اول مادشيت العسكريه واقفين كلنا احنى الطلبه..(( كلنا كنا 170 طالب )) والحين صرنا 140
طالب نصهم انحاشوا ومنهم استقاله لانهم ما تحملوا الحياه العسكريه
المهممم

المهمم دشينا وواقفين كلنا يم بعض والكل ساكت والضابط واقف علينا

الضابط جمع المدربين علينا واجتمع فيهم بعيد شوي

خلص منهم ولا ما نسمع الا يالله ياحيوااان اركض حط جنطتك فوق راسك واركض

واحنى متصرقعيييين من الصرااااخ والسب اللي مايوقف

طووول الوقت سب وصرااااخ
جان ندش الميدان ويدقونا دق اليهد

واحنى اجسامنا مو متعوده على الضغط والقفز
احنى نلعب كره يصير فينا شد عضلي هالمره نضغط ونقفز

واللي يطيح غشيان واللي يرجع (( تكرمون )) <<

واللي يبي يستقيل واللي واللي..

المهممم جان يودونا غرفنا

وقاموا يعلمونا شلون نعدل السرير وشلون نسفط ملابسنا داخل الكبت

لااااااا ومو اي سفطات بعد

لاااااا يالييييت

يبون السفطان اللي اهمه يبونها
وحتى سفطات الكنابل اللي بالسرير

تعالوا شوفوا التفقق بالتسفيط

اللي ما يعرف واللي يألف من كيفه واللي مايدري وين الله قاطه واللي مايدري شالطبخه
المهممم
صار الليل واحنى للحين نندق بالميدان

وكلنا اجسامنا تعورنا
لانه مافي لياقه كلش

المهممم
صار وقت النوم.. النوم الساعه 10 بالليل والقعده الساعه 4ونص الفير
طبعا اول يوم محد ياله نوووم كلللش الكل خايف ويفكر شنو راح يصير ثاني يوم
جك بم ولا صارت الساعه 4ونص الفير
ولا مانشوف واحد يرفس الباب ويصرخ من قمه راسه

يالله قووووووووووووم يا حيواااااااااااااااااااااااااااااان

واحنى من الخرعه ننقزمن السرير وركض لي الحمام تخيلوا 170 طالب بحمام واحد

وكل واحد يحلق لحيته ويرتب فراشه ويلبس لبس الرياضه وينزل تحت بالميدان

طبعا كل هالحجي بصراخ وسب من صباح الله خير

المهممم
نزلنا لي الميدان ركض وحدنا تعبانين سوينا تمارين رياضه سويدي وجري ومن هالحجي

خلصنا من الرياضه
وجان يستلمونا المدربين سب وصراخ يالله روح بدل وارجع مره ثانيه الميدان

واحنى من الخوف بس نركض وماندري شنو الطبخه ^_^.

المهمم تريقنا وخلصنا
ونروح ركض الميدان

ونوقف كلنا يم بعض

وما يبون احد يتحرك كلللللش

ما يبون احد يحك وولا يحرك اييده وولا يحرك ريله

وولا حتى يحرك عينه

يبونه نوقف مثل الصنم

وعيونا بالارض ما تتلاقط لا يمين وولا يسار

واللي يشوفونه يتحرك ولا عينه تتلاقط يمين ويسار

وييييييييييه يرووووووح فييييييها

يموووووووووووت

يكره الساعه اللي دش فيها العسكريه

يمسكوووونه يدقووونه دق
يطلعووون رووووحه
وبعدين عندنا تدريب عن الحركات العسكريه مدتها ساعتين

نخلص من التدريب يكون عندنا فتره اسمها فتره اداريه

هذي اخيس فتره بالعسكريه

يابووووووووووي

هذي الفتره ياطويلين العمر شنو نسوي فيها..؟

بهذي الفتره كل واحد عنده فوطه صغيره يبللها ماي ويغسل الكبت من الغبار
ويمسح الارض فيها
وبعدين يعدل سفطات الملابس اللي بالكبت
ويشد فراااشه شد يبون فراشنا طابوووقه مافيه كسره شرشف

وبعدين نوقف يم الكبت والسرير من غير حركه علشان الضابط يفتش علينا

واللي يشوفه مو معدل سفطات الملابس وولا منظف الكبت كله غبار ومو مرتب سريره

وييييييييييييه يدقووونه دق اليهد

يطلعون ماي جسمه كله

ولمن الضابط يخلص التفتيش
يكون عندنا وقت المحاضرات

محاضراتنا 4 ساعات
طبعا الكل نايم بالمحاضرات من الدق والتعب
ولمن نخلص من المحاضرات يكون وقت الغدى

وتعااال فجج عمرك عاااد
نركض غرفنا نحط الكتب ونرد تحت بالميدان ركض

وطبعا المدربين كلله صراخ وسب
طبعا هالصراخ والسب مستمر معانا لمن نتخرج من الكليه

المهممم دشينا المطعم

وهم ما يبونا نتحرك وولا عينا تتلاقط يمين ويسار

يبون عينا تكون بالصينيه لمن يعطونا امر انه نستمر وناكل

ويبونه ناكل مثل البرق

بسرعه بسرعه
واحنى ناكل نسمع كله (( ثااااابت ))

اذا قالوا هالكلمه الكل يثبت عن الاكل حتى لو اللقمه بحلجي ما ابلعها

حتى لو اغص فيها

ما اتعلج الا لمن يقولون استمر

وعلى هالحاله كل 5 دقايق

واذا شبعنا نطلع من المطعم ركض نروح الميدان
واللي يطيح غشيان واللي يرجع

لانه مو متعودين على هالعيشه هذي

بس الحمدالله اني تحملت اول ايام الدوره..

المهمم يكون عندنا وقت تدريب عن الحركات العسكريه مره ثانيه

نتدرب لي المغرب

وبعدها يستلمونا عقااااب لمن يأذن العشا

نروح نصلي ونرد الميدان ونندق دق لمن يصير الساعه 9 بالليل

بعدين نروح ركض غرفنا نوقف نجابل الكبت من غير ما نتحرك حركه وحده لي الساعه 10

ولمن تصير الساعه 10 كل واحد يبدل يلبس بجامه ويروح الحمام ويرد الغرفه يحط راسه وينام

وكل يوم على هالحاااااله

وانا طبعا جسمي للحين يعورني من الدق

صارلي شهرين وجسمي للحين يعورني

الله يعين بس

وهذي الحياه العسكريه..شفتوها شلون صايره

اللي بالسجن ارحم والله ^_^.

عشان تعرفون شنو الفرق بين الحياه المدنيه والحياه العسكريه


الله يعين كل عسكري

ادعولي عاااد وانا بالدوره مو تنسووووني يا اعضاء منتدى وحش7

مو تنسون اخوكم سلطان القادسيه بالدعاء ^_^.

ما اوصيكم عاااد

انتوا كرمه وانا استاهل
......................................

بس والله اني مشتاقلكم حييييييييييييييييييل

ومشتاق حق الحياه المدنيه بعد هههههههههههههههه

والله يامن حظكم انتوا قاعدين بس دراسه

قاعدين بالبيت من غير صراخ وولا سب

ووقت العطله سهر ولابتوب وتلفزيون وتمشي بالمجعات على كيف كيفكم

وانا المسكين محكوور طوول الاسبوووع هناك بالكليه

مااقول الا الله كريم وانشالله تطووف هالسنتين على خيير والقاكم مره ثانيه على خير انشالله
وقبل لا انسىشدوا حيلكم بالدراسه وهالله هالله بالدراسه بوقت الامتحانات

وقبل لا انسى بعد كل عام وانتوا بخير وعيدكم مبارك

وانشالله ماطولت عليكم وازعجتكم معااي

يالله نشوفكم على خير انشالله..

تحياتي وتحيات عيال عااايد >>> ويييه شخباري عيال عاايد خخخخخخخخخ <<<

وعليييييييييييييييكم السلاااااااااااااام عليك بروحك

احنا بخير الحمدلله بس امورنا شوي فيها حاله من عدم الاستقرار

انت بعد وحشتنا وفقدناك وقبل جم يوم سألت عنك دانتي وبيرلو
وقلتلهم يقولون لك تشبك لما تطلع من الكليه


اييييييييييي اي والله يا حلات ايام المنتدى بس حسافه هالايام راحت خيوو
بس انشالله بترد ونرد نحط مسابقات وكل شي بس لو وحش يتكرم ويدش المنتدى احنا بخير

الدراسه تمام التمام
انا ماسقطت ومانجحت لانه اساسا ماعندي امتحانات إلا بعد العيد والله يستر

انت بعد وحشتنا وفقدناك ولما شفت نكك والله استانست

يييييييييييييييييييييييييع مو حلو اخضر
جنه داشين منتدى العربي مو منتدى وحش


منو هالاربع ؟؟ اذا تقصد قروب درر وشوشه وبيونسي ولؤلؤة هالقروب اختفى ومالهم لا حس ولا خبر

قول قول نسمعك
فضفض طلع اللي بقلبك صارلك شهرين مو مفضفض

اوووووووووووووووووله يمممممممممممممممممممممممممه صج عسكريه
الله يعينكم بصراحه
صج صج اللي يتحمل كل هذا ويتخرج من اي كليه من الكليات العسكريه احسه ريال بمعنى الكلمه
وحاسه بمعاناتك لانه اخوي بكليه سعد العبدالله والله شاف الويل
حتى ريله الثنتين انكسروا وسافر علاج بره
كل هذا بسبة هالكليات

بس سالفه (( ثابت )) والله قويه
احس شكلكم يضحك
جنه قاعدين تلعبون حركه حركه ستوب
صج صج الله يعينكم
ويالله كلها سنه ونص تقريبا وتفتكون وتصيرون رجال امن المستقبل


يييييييييييييييييييع اي اي سولفولي عن الترجع صج صج لاعت جبدي
عاد قاعده اتخيل شكلكم كلكم بحمام واحد وترجعون
وإلا تركضون وترجعون يبوووووووووووووووووووووووووووووووووووووووووووووووووووووووووووووووووي
لووووووووووووووووووووووووووووووووووووووووووووووووووووووووووووووووووووووووووووووووووعه

بس يالله في سبيل التخرج كل شي يهون صح ؟؟


احنا بعد اشتقنالك ولطلتك البهيه
اي اي عرفنا الفرق بين الحياه المدنيه والعسكريه
ولما دشينا الجامعه عرفنا الفرق بين المدرسه والجامعه

صججججججججج كانت ايام عز وراحه
وانا كنت ناويه ادش العسكريه بس هونت هههههههههههههههههههههههههههههههههههههههههههههههههههههههههههههههههه
لاتصدقون والله اتغشمر
عاد تخيلوا انا مع اخوي نشتغل بمخفر واحد

انشالله لاتحاتي ماراح ننساك بالدعاء
والله يعينك بصراحه

وايامك سعيده وانت بخير وصحه وسلامه

لالا ماطولت علينا بس اصابعي عوروني وانا ارد ابي تعويض
انشالله نشوفك ولاتقاطع مره ثانيه كل ماتطلع من الكليه حاول تدش المنتدى

هههههههههههههههههههههههههههههههههههههههههههههههههههههههههههههههههههههههههههههههههههههه
عيال عايد خخخخخخخخخخخخخخخخخخخخخخخخخخخخ
حسااااااااااااااااافه راحت مسابقتهم من الجهاز وما استانسنا

وبسسسسسسسسسس حدي قرقت

يه يه يه سلطان انا حاس فيك

لمن كنت ادور عالملابس اهي جدامك والله خوفتني معاك

ترى اهو مايسير يدش الكليه الا وهو اغراضه كامله يسير تفتيش

وهو كان عندي بالبيت وبيته بعيد والحين الدخله والله قال خلاص

انا محجووز والله مسكين بس لا قلتله دور عدل ولا يلفاه

كان يبي يرووح فيها

المهم عيدكم مبارك اشلونكم شخباركم؟؟؟؟؟؟

سلطان مسوي استنفار

بيييييييييييه شخباااااااااري المنتدى احس اني من زمان مادري عنه

اشلونكم ؟؟ شخباركم ؟؟

اشلون العيد معاكم ؟؟

يالله يالله باجر دواااااااااااااااااااااااام بسكم نوم بسكم دلع بسكم كسل
قووووووووووموووووووو قووووووووووووموووووووووو
درااااااااااااااااااااااااااااااااسه

يبوووووووووووووووووي الخميس عندي امتحان شخباااااااااااري امتحانات ودراسه خخخخخخخخخخخ